حب میں قومی شاہراہ پر دھماکے سے دو افراد زخمی

سیکیورٹی فورسز کے اہلکاروں نے جائے وقوعہ کا محاصرہ کر لیا۔ فوٹو: فائل

---

KARACHI: حب میں قومی شاہراہ پر ہوٹل کے قریب دھماکے سے دو افراد زخمی ہو گئے۔

ایکسپریس نیوز کے مطابق بلوچستان کے شہر حب میں قومی شاہراہ پر ہوٹل کے قریب زوردار دھماکا ہوا جس کے نتیجے میں 2 افراد زخمی ہوئے جب کہ قریب کھڑی گاڑیوں کو بھی نقصان پہنچا۔

پولیس ذرائع کا کہنا ہے کہ تاحال دھماکے کی نوعیت کے حوالے سے کچھ کہنا قبل از وقت ہے تاہم علاقے کا محاصرہ کر کے تحقیقات کا آغاز کر دیا گیا ہے۔

اس خبر کو بھی پڑھیں: جھل مگسی کے درگاہ فتح پورمیں خودکش حملہ، 20 افراد جاں بحق

واضح رہے کہ چند روز قبل بھی بلوچستان کے علاقے جھل مگسی میں درگاہ فتح پور میں خود کش حملے میں 20 افراد جاں بحق اور 35 زخمی ہو گئے تھے۔