میرپورخاص موٹر سائیکل چھیننے میں مزاحمت پر فائرنگ صحافی کا بھائی قتل

متوفی نوکوٹ کا رہائشی اور روزنامہ سندھ ایکسپریس کے نامہ نگار عمر لاشاری کا چھوٹا بھائی تھا۔ فوٹو: فائل

---

SUKKUR: بلوچ آباد کے قریب موٹر سائیکل چھیننے کی کوشش کے دوران مزاحمت پر فائرنگ سے ایک شخص ہلاک اور دوسرا شدید زخمی ہو گیا، مرنے والا روزنامہ سندھ ایکسپریس نوکوٹ کے نامہ نگار کا بھائی ہے۔

تفصیلات کے مطابق میرپورخاص ایل۔ بی۔ او۔ ڈی واپڈاکالونی کے رہائشی اور گائوں شادی پلی موڑ کے زمیندار عبدالمجید لاشاری اور محمد انور لاشاری اپنی زمینوں سے واپس میرپورخاص آ رہے تھے کہ راستے میں کھڑے 3 نامعلوم مسلح افراد نے ان سے موٹر سائیکل چھیننے کی کوشش کی اور مزاحمت پرفائرنگ کر دی۔



جس کے نتیجے میں محمد انور لاشاری موقع پر جاں بحق ہو گیا۔ متوفی نوکوٹ کا رہائشی اور روزنامہ سندھ ایکسپریس کے نامہ نگار عمر لاشاری کا چھوٹا بھائی تھا جب کہ زخمی عبدالمجید لاشاری ان کا کزن ہے۔ لاش اور زخمی کو فوری طور پر سول اسپتال میرپورخاص لایا گیا جہاں سے زخمی عبدالمجید لاشاری کوتشویشناک حالت میں حیدرآباد روانہ کر دیا گیا۔