افغان صوبے بدخشاں میں ڈرون حملے میں 8 طالبان جنگجو ہلاک

ڈرون حملے میں عسکریت پسندوں کے اسلحہ اور گولہ بارود کا بڑا ذخیرہ بھی تباہ ہوگیا۔۔ فوٹو : فائل

---

افغانستان کے شمال مشرقی صوبے بدخشاں میں نیٹو فورسز کے ڈرون حملے میں 8 طالبان جنگجو ہلاک ہوگئے۔

افغان میڈیا کے مطابق نیٹو فورسز نے بدخشاں کے ضلع راغستان میں بغیر پائلٹ طیارے کے ذریعے میزائل حملہ کیا جس میں 8 عسکریت پسند ہلاک اور 15 زخمی ہوگئے۔ نیٹو کے ڈرون حملے میں طالبان کے ٹھکانوں کو نشانہ بنایا گیا جس کے نتیجے میں ان کے اسلحے اور گولہ بارود کا ذخیرہ بھی تباہ ہوگیا۔

یہ بھی پڑھیں: ڈرون حملے میں ملا منصور کی ہلاکت

افغان حکام نے بتایا کہ جائے وقوعہ سے طالبان جنگجوؤں کی 8 لاشیں ملی ہیں اور ان کے ہتھیاروں کا بڑا ذخیرہ بھی تباہ ہوگیا ہے۔ اس وقت بدخشاں کے دو اضلاع مکمل طور پر طالبان کے کنٹرول میں ہیں جب کہ دیگر 10 علاقوں میں فورسز اور عسکریت پسندوں میں جھڑپیں جاری ہیں۔