کلثوم نواز کی پہلے دن کی کیموتھراپی مکمل

دعا کریں اللہ تعالیٰ انہیں اور سب بیماروں کو شفا دیں، نواز شریف . فوٹو : فائل

---

سابق وزیراعظم نوازشریف کا کہنا ہے کہ آج بیگم صاحبہ کی پہلی کیمو تھراپی ہوئی ہے اور دعا کریں اللہ تعالیٰ انہیں صحت دے۔

لندن میں میڈیا سے مختصر بات کرتے ہوئے نواز شریف کا کہنا تھا کہ بیگم کلثوم نواز کی آج پہلے دن کی کیمو تھراپی ہوئی ہے، وہ ابھی اسپتال میں ہی ہیں۔ انہوں نے دعاؤں کی درخواست کرتے ہوئے کہا کہ دعا کریں اللہ تعالیٰ انہیں اور سب بیماروں کو شفا دیں۔

اس خبر کو بھی پڑھیں :لندن میں بیگم کلثوم نواز کی کیموتھراپی کی تیاریاں

واضح رہے بیگم کلثوم نواز سابق وزیراعظم نوازشریف کی نااہلی کے بعد خالی ہونے والی نشست این اے 120 سے مسلم لیگ (ن) کے ٹکٹ پر الیکشن جیتنے میں کامیاب رہی تاہم وہ گلے کے کینسر کے باعث اس وقت لندن میں زیر علاج ہیں۔