ڈاکٹر قدیر اورجماعت اسلامی کا ملکرآئندہ الیکشن لڑنے پر اتفاق

حکمراں مالداراورعوام غریب تر ہوگئے، ڈاکٹر قدیر، انتخابی شیڈول کاجلد اعلان کیا جائے، منور حسن

Monitoring Desk February 27, 2013

اسلام آباد، ڈاکٹر قدیر اور جماعت اسلامی کے امیر منور حسن سیاسی اتحاد کے حوالے سے تقریب میں بیٹھے ہیں۔ فوٹو: اے ایف پی

محسن پاکستان ڈاکٹر عبد القدیر خان اورجماعت اسلامی نے آئندہ الیکشن مل کر لڑنے پراتفاق کیا ہے۔

سید منور حسن کا کہنا ہے کہ انتخابات میں دونوں جماعتیں مل کرچلیں گی۔ ایک ٹی وی کے مطابق ایٹمی پاکستان کے ہیرو ڈاکٹرعبدالقدیراورجماعت اسلامی نے کہا ہے کہ پارلیمنٹ میں پہنچ کر ملک سے بدعنوانی کا خاتمہ کرینگے۔

اسلام آباد میں انتخابی اتحاد کے اعلان کے موقع پرمیڈیا سے گفتگو میں ڈاکٹرعبدالقدیر نے کہا کہ جس ملک کا دفاع مضبوط بنایا وہ آج تباہی کے دہانے پر کھڑا ہے۔ سب مل جل کر ملک کو کھا رہے ہیں۔ آج حکمران مالدار اور عوام غریب ترہوگئے ہیں۔ منور حسن کاکہنا تھا کہ الیکشن کمشن نے سپریم کورٹ کی ہدایت پر عمل نہیں کیا۔کراچی میں ووٹر لسٹوں کا عمل ہائی جیک ہوگیاہے۔ انھوں نے مطالبہ کیا کہ انتخابات کے شیڈول کا جلد اعلان کیا جائے۔