ٹرمپ نے تنقید کرنے پر امریکی ٹی وی چینلز بند کرنے کی دھمکی دے دی

نشریاتی اداروں کی جانب سے غلط اور توڑ موڑ کر خبریں پھیلائی جارہی ہیں، امریکی صدر۔ فوٹو: فائل

---

KARACHI: امریکی صدر ڈونلڈ ٹرمپ نے تنقید کرنے پر ملک میں چلنے والے ٹی وی چینلز بند کرنے کی دھمکی دی ہے۔

امریکی صدر ڈونلڈ ٹرمپ کو اپنے بیانات کی وجہ سے آئے دن تنقید کا سامنا رہتا ہے، نہ صرف عالمی رہنماؤں کی جانب سے ڈونلڈ ٹرمپ تنقید کی زد میں رہتے ہیں بلکہ امریکی میڈیا بھی انہیں تنقید کا نشانا بناتا رہتا ہے۔ سماجی رابطے کی سائٹ ٹوئٹر پر ڈونلڈ ٹرمپ نے ٹوئٹ پر امریکی چینل کی جانب سے تنقید کا نشانا بنانے پر چینل کو بند کرنے کی دھمکی دی ہے۔

Fake @NBCNews made up a story that I wanted a "tenfold" increase in our U.S. nuclear arsenal. Pure fiction, made up to demean. NBC = CNN!

— Donald J. Trump (@realDonaldTrump) October 11, 2017

امریکی صدر کا کہنا تھا کہ نشریاتی اداروں سے غلط اور توڑ موڑ کر خبریں پھیلائی جارہی ہیں لہذا ان چینلز کے لائسنس کو ضرور چیلنج کیا جانا چاہیے کیونکہ یہ عوام کے ساتھ بددیانتی کررہے ہیں ۔

With all of the Fake News coming out of NBC and the Networks, at what point is it appropriate to challenge their License? Bad for country!

— Donald J. Trump (@realDonaldTrump) October 11, 2017

امریکی نشریاتی ادارے کی جانب سے چلائی جانے والی رپورٹ میں کہا گیا تھا کہ ایک اجلاس کے دوران امریکی صدر کو 1960 سے لیکر اب تک ایٹمی اثاثوں میں ہونے والی مسلسل کمی کے بارے میں آگاہ کیا گیا جس پر ڈونلڈ ٹرمپ نے ایٹمی اثاثوں میں 10 گنا اضافہ کا عندیہ دیا تھا تاہم امریکی صدر نے چینل کی رپورٹ کو مسترد کردیا ہے۔