لاہور: وفاقی حکومت نے قدرتی آفات کے دوران گلگت بلتستان، آزادکشمیر اور فاٹا کے متاثرہ علاقوں سے ہنگامی بنیادوں پر شہریوں کو باحفاظت نکالنے اور فوری طبی امداد کی فراہمی یقینی بنانے کے لیے ابتدائی طور پر 3 ایئر ایمبولنس کی خریداری کا عمل آئندہ 3 ماہ کے دوران شروع کرنیکا فیصلہ کیا ہے۔

ذرائع نے بتایا ہے کہ سابق وزیر اعظم نواز شریف نے مذکورہ علاقوں کیلیے 5 ایئر ایمبولنس کی فراہمی کا اعلان کیا تھا جس میں سے گلگت بلتستان کو 2، آزاد کشمیر کو 2 جبکہ فاٹا کو 1 ایئر ایمبولنس فراہم کی جانی تھی۔ وزارت امور کشمیر و گلگت بلتستان نے سمری وزیراعظم پاکستان کو ارسال کر دی۔