KARACHI:
فیصل آباد میں ڈائینگ فیکٹری کا بوائلر پھٹنے سے 3 مزدور جاں بحق اور 4 زخمی ہوگئے۔
جھمرہ روڈ پر واقع ڈائینگ فیکٹری کے بوائلر میں گیس کی بجائے لکڑیاں جلا کر بھاپ پیدا کی جارہی تھی کہ اچانک پریشر بڑھنے سے بوائلر زور دار دھماکے سے پھٹ گیا جس سے 3 مزدور جاں بحق ہوئے۔
ریسکیو ٹیم نے زخمی ہونے والے 4 مزدوروں میں سے 3 کو طبی امداد دے کر فارغ کردیا جبکہ ایک کو اسپتال منتقل کردیا ہے۔ پولیس نے فیکٹری مالک شہباز بھٹی کو پکڑ کر واقعے کی تحقیقات شروع کردی ہے، ایس پی مدینہ ٹاؤن کا کہنا ہے فیکٹری مالک پر مقدمہ درج کیا جائے گا۔