مینگورہ سمیت مختلف علاقوں میں زلزلے کے جھٹکے محسوس کیے گئےہیں جس کے نتیجے میں لوگوں میں خوف وہراس پھیل گیا۔

سوات کے مرکزی علاقے مینگورہ سمیت مختلف مقامات پر زلزلے کے جھٹکے محسوس کیے گئے تاہم خوش قسمتی سے کوئی جانی نقصان نہیں ہوا۔ جھٹکے محسوس ہوتے ہی لوگ کلمہ طیبہ کا ورد کرتے ہوئے گھروں سے باہر نکل آئے۔

زلزلہ پیما مرکز کے مطابق ریکٹر اسکیل پر زلزلے کی شدت 4 اعشاریہ 3 ریکارڈ کی گئی جب کہ زلزلے کی گہرائی 117 کلومیٹر اور مرکز کوہ ہندوکش کا پہاڑی سلسلہ تھا۔ تاحال زلزلے کے باعث کسی بھی جانی یا مالی نقصان کی اطلاع موصول نہیں ہوئی ہے۔