عمران خان کے وارنٹ گرفتاری موصول قانون کے مطابق کارروائی ہوگی پولیس

عمران خان کو 26 اکتوبر سے ایک یا دو روز قبل گرفتار کرلیا جائے گا، ذرائع

ویب ڈیسک October 17, 2017

پی ٹی آئی چیرمین کو 26 اکتوبر سے ایک یا دو روز قبل گرفتار کرلیا جائے گا، ذرائع۔ فوٹو: فائل

لاہور: پاکستان تحریک انصاف (پی ٹی آئی) کے چیرمین عمران خان کے توہین عدالت کیس میں وارنٹ گرفتاری پولیس کو موصول ہوگئے اور 26 اکتوبر سے قبل گرفتاری کا امکان ہے۔

پی ٹی آئی چیرمین عمران خان کے وارنٹ گرفتاری ایس ایس پی آپریشن اسلام آباد کو موصول ہو گئے ہیں اور پولیس حکام کا کہنا ہے کہ قانون کے مطابق کارروائی عمل میں لائی جائے گی۔ ذرائع کے مطابق عمران خان کو 26 اکتوبر سے ایک یا دو روز قبل گرفتار کیا جاسکتا ہے۔

یہ بھی پڑھیں: عمران خان کا الیکشن کمیشن میں رضاکارانہ پیش ہونے کا فیصلہ

واضح رہے کہ توہین عدالت کیس میں ناقابل وارنٹ گرفتاری جاری ہونے کے بعد عمران خان نے 26 اکتوبر کو الیکشن کمیشن میں رضاکارانہ طور پر پیش ہونے کا فیصلہ کیا ہے۔ الیکشن کمیشن نے توہین عدالت کیس میں عمران خان کے وارنٹ گرفتاری جاری کرتے ہوئے کہا ہے کہ پی ٹی آئی چیرمین کو گرفتار کرکے 26 اکتوبر کو الیکشن کمیشن میں پیش کیا جائے۔