صدرآصف زرداری نے پیپلز پارٹی کے رہنماؤں کوایم کیو ایم کے خلاف بیان بازی سے روک دیا۔

ذرائع کے مطابق صدرزرداری کی ہدایت پر وفاقی وزیر داخلہ رحمٰن ملک جمعرات کولندن روانہ ہوگئے جہاں وہ جمعے کو(آج)ایم کیو ایم کے قائدالطاف حسین سے ملاقات کریں گے اورصدرپاکستان کا خصوصی پیغام بھی پہنچائیں گے۔

وہ الطاف حسین سے آئندہ نگراں سیٹ اپ کے حوالے سے بھی مشاورت کریں گے ،صدرزرداری نے رحمٰن ملک کوہدایت کی ہے کہ وہ ایم کیو ایم کے تمام تحفظات دورکریں اوران کی ناراضی ختم کرانے کی بھرپورکوششیں کریں۔