گرفتار دہشت گردوں کی شناخت عبدالرحمان اور محمد سلطان کے ناموں سے ہوئی ہے، ایس پی نیوکراچی : فوٹو : فائل
ایکسپریس نیوز کے مطابق نیوکراچی صنعتی ایریا میں پولیس نے کارروائی کرکے مبینہ طور پر کالعدم تحریک طالبان پاکستان کے 2 کارندوں کو گرفتار کرکے اسلحہ و بارود برآمد کرلیا ہے۔ ایس پی نیو کراچی شبیربلوچ کا کہنا ہے کہ اسنیپ چیکنگ کے دوران پولیس نے مشکوک سوزوکی کو رکنے کا اشارہ کیا لیکن ملزمان نے گاڑی روکنے کے بجائے فرار ہونے کی کوشش کی پولیس نے تعاقب کرکے سوزوکی روک لی اور تلاشی کرکے کپڑوں میں چھپایا گیا اسلحہ کو برآمد کرلیا۔
ایس پی شبیربلوچ کے مطابق برآمد کئے گئے اسلحے میں 3 راکٹ لانچر اور 5 بارودی سرنگیں شامل ہیں جب کہ ایک ملزم کے قبضے سے پستول بھی برآمد ہوئی ہے۔ پولیس نے گاڑی میں موجود 2 دہشت گردوں کو گرفتار کرلیا ہے جن کی شناخت محمدسلطان اور عبدالرحمان کے نام سے ہوئی ۔
ایس پی نیو کراچی کا کہنا ہے کہ ابتدائی تفتیش میں انکشاف ہوا ہے کہ گرفتار دونوں دہشت گردوں کا تعلق کالعدم تحریک طالبان پاکستان سے ہے دونوں تخریب کاری کی متعدد کارروائیوں میں ملوث ہیں جنہیں مزید تفتیش کے لئے نامعلوم مقام پر منتقل کردیا گیا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔