سرفراز احمد کو اسپاٹ فکسنگ کی پیشکش کا معاملہ آئی سی سی کے سپرد

پی سی بی نے سرفراز احمد کو اسپاٹ فکسنگ کی پیشکش کا معاملہ آئی سی سی کے سپرد کردیا۔


پاکستان کرکٹ بورڈ نے قومی ٹیم کے کپتان سرفرازاحمد کو سٹے بازوں کی جانب سے اسپاٹ فکسنگ کی پیشکش کا معاملہ آئی سی سی کے حوالے کردیا ہے، انٹرنیشنل کرکٹ کونسل کا اینٹی کرپشن یونٹ الزامات کی مکمل چھان بین کرے گا اوراے سی یو ٹیم مینجمنٹ اور دیگرپلیئرز سے بھی انٹرویوز کرے گا۔

ذرائع کے مطابق سرفراز احمد سےاینٹی کرپشن یونٹ کے نمائندوں کی آج رات ملاقات کا امکان ہے، جب کہ چیئرمین پی سی بی نجم سیٹھی نے کہا ہے کہ کھلاڑیوں نے قواعدوضوابط کے تحت ہمیں فکسنگ کی پیشکش سے مطلع کیا،اپنے ٹوئٹر پیغام میں انہوں نے کہا کہ اس معاملے سے آئی سی سی کو آگاہ کردیا ہے۔