کلین سوئپ کے باوجود پاکستان کی چھٹی پوزیشن میں کوئی فرق نہیں آیا

پانچویں پوزیشن کی حامل کیوی ٹیم سے فاصلہ جہاں کچھ کم ہوا وہیں ساتویں نمبر کی بنگلادیشی ٹیم کو بھی کافی نیچے چھوڑدیا ہے

Sports Desk October 24, 2017

پانچویں پوزیشن کی حامل کیوی ٹیم سے فاصلہ جہاں کچھ کم ہوا وہیں ساتویں نمبر کی بنگلادیشی ٹیم کو بھی کافی نیچے چھوڑدیا ہے۔ فوٹو : اے ایف پی

سری لنکا کیخلاف 5 ون ڈے میچز کی سیریز میں کلین سوئپ کے باوجود پاکستان کی رینکنگ پوزیشن میں کوئی فرق نہیں آیا تاہم وہ بدستور چھٹے نمبر پر ہی موجود ہے۔

سیریز کے آغاز سے قبل گرین شرٹس کے پوائنٹس کی تعداد 95 تھی جو اب 99 ہوچکی ہے، نیوزی لینڈ کے پوائنٹس 113 ہیں۔ اس کا پانچویں پوزیشن کی حامل کیوی ٹیم سے فاصلہ جہاں کچھ کم ہوا وہیں ساتویں نمبر کی بنگلادیشی ٹیم کو بھی کافی نیچے چھوڑ دیا ہے۔

اس طرح آٹھویں نمبر پر موجود سری لنکا کو وائٹ واش کی وجہ سے 3 پوائنٹس کی کٹوتی کا سامنا کرنا پڑا، جس سے اسکے اب 83 پوائنٹس باقی رہ گئے مگر پھر بھی وہ نویں نمبر کی حامل ویسٹ انڈیز ٹیم سے 6 پوائنٹس آگے ہے۔ ٹاپ پوزیشن جنوبی افریقہ کے قبضے میں ہے۔