سنیل سے جھگڑے کی اصل وجہ کون تھا کپل نے حقیقت بتادی
میرے اور سنیل کے درمیان جھگڑا کبھی ہوا ہی نہیں ، جھگڑے کی وجہ کوئی اور تھا،کپل شرما
سنیل سے بہت پیار کرتا ہوں اورانہیں چھوٹے بھائیوں کی طرح مانتا ہوں؛کپل؛فوٹوفائل
مزاحیہ اداکار کپل شرما نےاپنےاورسنیل گروور المعروف ڈاکٹر مشور گلاٹی کے درمیان ہونے والے جھگڑے کے بارے میں بتاتے ہوئے کہا کہ دراصل ہم دونوں کے درمیان جھگڑا ہواہی نہیں تھا، جھگڑے کی اصل وجہ کوئی اورتھاجو کبھی میڈیا پرآیا ہی نہیں۔
بھارتی فلم انڈسٹری کے مزاحیہ اداکار کپل شرما کا شماران خوش قسمت لوگوں میں ہوتا ہے جنہوں نے بہت کم عرصے میں اپنی محنت اور لگن سے شوبزانڈسٹری میں نام کمایا۔ مزاحیہ شو ''کامیڈی نائٹ ود کپل شرما''نے انہیں راتوں رات بالی ووڈ کے سپر اسٹارز کے مقابل لاکھڑا کیا۔ بھارتی فلم انڈسٹری کے صف اول کے اداکار جیسے شاہ رخ خان، سلمان خان، اکشے کماروغیرہ اپنی فلموں کی تشہیر کے لیے کپل کے شو کو ترجیح دینے لگے۔ شہرت ملی تو کپل کی ڈیمانڈ بھی بڑھ گئی اوران کا معاوضہ بالی ووڈ سپر اسٹارز کے برابر ہوگیا۔ لیکن کہتے ہیں نا بہت زیادہ دولت اورشہرت انسان کے لیے ٹھیک نہیں ہوتی بالکل یہی کپل شرما کے ساتھ بھی ہوا۔
اس خبرکوبھی پڑھیں: سنیل گروور نے ''دی کپل شرما شو'' چھوڑ دیا
رواں سال اپریل میں کپل شرما اور ان کے بہترین دوست سنیل گروورالمعروف گتھی کے درمیان لڑائی جھگڑے کی خبروں نے کپل کو اچانک شہرت کی بلندیوں سے زمین لاپٹخا۔ میڈیا رپورٹس کے مطابق کپل اوران کی پوری ٹیم آسٹریلیا میں شو کرنے کے بعد واپس بھارتی شہر چندی گڑھ جارہی تھی۔ کپل اس وقت نشے میں تھے انہوں نےطیارے میں موجود ایک مسافر کے ساتھ جھگڑا کرنا شروع کردیا سنیل گروور کے منع کرنے پر انہوں نے سنیل کے ساتھ بھی بدتمیزی کی یہاں تک کہ انہوں نے سنیل پر ہاتھ بھی اٹھادیا۔ سنیل کپل کی اس حرکت پراتنے دلبرداشتہ ہوئے کہ کپل اوران کے شو سے علیحدگی کا اعلان کردیا۔ اس جھگڑے کا اثر کپل کےشو کی ٹی آر پی پر پڑا اور شو کا گراف نیچے گرتا چلا گیا۔ دوسری جانب لوگوں کی جانب سے کی جانےوالی تنقیدکے باعث کپل ذہنی دباؤ کا شکار ہوگئے اوران کی صحت خراب ہوگئی۔
میڈیا سمیت تمام لوگ اس جھگڑے کا قصور وار کپل کو ہی مانتے ہیں تاہم گزشتہ روز کپل نے اپنی نئی فلم ''فرنگی''کی ٹریلر لانچنگ تقریب کے دوران پہلی بار اس لڑائی کا خلاصہ کرتے ہوئے کہا کہ دراصل لڑائی ان کےاور سنیل کے درمیان نہیں ہوئی تھی بلکہ انہیں اپنے بچپن کے دوست چندن پربھاکر المعروف چندو پرغصہ تھا اور لڑائی بھی ان کے ساتھ ہی ہوئی تھی۔
https://www.youtube.com/watch?v=2j6W9HZDf5k
کپل نے کہا کہ آسٹریلیا پہنچتے ہی ان کی فلم ''فرنگی''کے ایک آرٹسٹ کی موت ہوگئی جس کی وجہ سے انہیں ڈپریشن ہوگیا۔ کپل ڈپریشن کی وجہ سے شو کینسل کرنا چاہتے تھے تاہم یہ ممکن نہیں تھا۔ اس کے علاوہ شو کے سیٹ پر بھی چند ناخوشگوار واقعات ہوئےاوران کے دوست چندن پربھاکر بغیر بتائے شو چھوڑ کر چلے گئے اور 5 دن تک لوٹ کر ہی نہیں آئے۔ چندن کی اس حرکت نے کپل کو سخت مشتعل کردیااورانہوں نے جہاز میں موجود کسی مسافر پر چلا کر غصہ اتارنا شروع کردیا اس وقت سنیل بھی وہیں موجود تھے اورانہیں جھگڑا کرنے سے منع کررہے تھے جسے دیکھ کر کپل نے ان سے بھی لڑائی کرنی شروع کردی۔
کپل نے سنیل اور اپنے جھگڑے کے بارے میں بتاتے ہوئے کہا کہ اس وقت حالات ہی کچھ ایسے ہوگئے تھے کہ وہ خود پر قابونہیں رکھ سکے تاہم وہ سنیل سے بہت پیار کرتے ہیں اورانہیں اپنے چھوٹے بھائیوں کی طرح مانتے ہیں اور جانتے ہیں کہ سنیل بھی ان سے بے حد محبت کرتے ہیں۔
کپل نے مزید کہا کہ پچھلے دنوں وہ اتنے زیادہ ڈپریشن کا شکار ہوگئے تھے کہ انہوں نے خود کو آفس میں بند کرلیا تھا اور حد سے زیادہ شراب نوشی کرنے لگے تھے۔ تاہم اپنی فلم ''فرنگی''کے مکمل ہونے پر انہوں نے خود کو سنبھالا لیکن انہیں اب بھی مکمل صحت یاب ہونے کے لیے تین سے چار ماہ درکار ہیں۔
واضح رہے کہ فلم ''فرنگی'' کا ٹریلر ریلیز کردیا گیا ہے، ٹریلر کو اب تک لاکھوں کی تعداد میں لوگ دیکھ چکے ہیں۔ فلم اگلے ماہ 24 نومبر کو ریلیز کی جائے گی۔
https://www.youtube.com/watch?v=C3GiqcWF5QE
بھارتی فلم انڈسٹری کے مزاحیہ اداکار کپل شرما کا شماران خوش قسمت لوگوں میں ہوتا ہے جنہوں نے بہت کم عرصے میں اپنی محنت اور لگن سے شوبزانڈسٹری میں نام کمایا۔ مزاحیہ شو ''کامیڈی نائٹ ود کپل شرما''نے انہیں راتوں رات بالی ووڈ کے سپر اسٹارز کے مقابل لاکھڑا کیا۔ بھارتی فلم انڈسٹری کے صف اول کے اداکار جیسے شاہ رخ خان، سلمان خان، اکشے کماروغیرہ اپنی فلموں کی تشہیر کے لیے کپل کے شو کو ترجیح دینے لگے۔ شہرت ملی تو کپل کی ڈیمانڈ بھی بڑھ گئی اوران کا معاوضہ بالی ووڈ سپر اسٹارز کے برابر ہوگیا۔ لیکن کہتے ہیں نا بہت زیادہ دولت اورشہرت انسان کے لیے ٹھیک نہیں ہوتی بالکل یہی کپل شرما کے ساتھ بھی ہوا۔
اس خبرکوبھی پڑھیں: سنیل گروور نے ''دی کپل شرما شو'' چھوڑ دیا
رواں سال اپریل میں کپل شرما اور ان کے بہترین دوست سنیل گروورالمعروف گتھی کے درمیان لڑائی جھگڑے کی خبروں نے کپل کو اچانک شہرت کی بلندیوں سے زمین لاپٹخا۔ میڈیا رپورٹس کے مطابق کپل اوران کی پوری ٹیم آسٹریلیا میں شو کرنے کے بعد واپس بھارتی شہر چندی گڑھ جارہی تھی۔ کپل اس وقت نشے میں تھے انہوں نےطیارے میں موجود ایک مسافر کے ساتھ جھگڑا کرنا شروع کردیا سنیل گروور کے منع کرنے پر انہوں نے سنیل کے ساتھ بھی بدتمیزی کی یہاں تک کہ انہوں نے سنیل پر ہاتھ بھی اٹھادیا۔ سنیل کپل کی اس حرکت پراتنے دلبرداشتہ ہوئے کہ کپل اوران کے شو سے علیحدگی کا اعلان کردیا۔ اس جھگڑے کا اثر کپل کےشو کی ٹی آر پی پر پڑا اور شو کا گراف نیچے گرتا چلا گیا۔ دوسری جانب لوگوں کی جانب سے کی جانےوالی تنقیدکے باعث کپل ذہنی دباؤ کا شکار ہوگئے اوران کی صحت خراب ہوگئی۔
میڈیا سمیت تمام لوگ اس جھگڑے کا قصور وار کپل کو ہی مانتے ہیں تاہم گزشتہ روز کپل نے اپنی نئی فلم ''فرنگی''کی ٹریلر لانچنگ تقریب کے دوران پہلی بار اس لڑائی کا خلاصہ کرتے ہوئے کہا کہ دراصل لڑائی ان کےاور سنیل کے درمیان نہیں ہوئی تھی بلکہ انہیں اپنے بچپن کے دوست چندن پربھاکر المعروف چندو پرغصہ تھا اور لڑائی بھی ان کے ساتھ ہی ہوئی تھی۔
https://www.youtube.com/watch?v=2j6W9HZDf5k
کپل نے کہا کہ آسٹریلیا پہنچتے ہی ان کی فلم ''فرنگی''کے ایک آرٹسٹ کی موت ہوگئی جس کی وجہ سے انہیں ڈپریشن ہوگیا۔ کپل ڈپریشن کی وجہ سے شو کینسل کرنا چاہتے تھے تاہم یہ ممکن نہیں تھا۔ اس کے علاوہ شو کے سیٹ پر بھی چند ناخوشگوار واقعات ہوئےاوران کے دوست چندن پربھاکر بغیر بتائے شو چھوڑ کر چلے گئے اور 5 دن تک لوٹ کر ہی نہیں آئے۔ چندن کی اس حرکت نے کپل کو سخت مشتعل کردیااورانہوں نے جہاز میں موجود کسی مسافر پر چلا کر غصہ اتارنا شروع کردیا اس وقت سنیل بھی وہیں موجود تھے اورانہیں جھگڑا کرنے سے منع کررہے تھے جسے دیکھ کر کپل نے ان سے بھی لڑائی کرنی شروع کردی۔
کپل نے سنیل اور اپنے جھگڑے کے بارے میں بتاتے ہوئے کہا کہ اس وقت حالات ہی کچھ ایسے ہوگئے تھے کہ وہ خود پر قابونہیں رکھ سکے تاہم وہ سنیل سے بہت پیار کرتے ہیں اورانہیں اپنے چھوٹے بھائیوں کی طرح مانتے ہیں اور جانتے ہیں کہ سنیل بھی ان سے بے حد محبت کرتے ہیں۔
کپل نے مزید کہا کہ پچھلے دنوں وہ اتنے زیادہ ڈپریشن کا شکار ہوگئے تھے کہ انہوں نے خود کو آفس میں بند کرلیا تھا اور حد سے زیادہ شراب نوشی کرنے لگے تھے۔ تاہم اپنی فلم ''فرنگی''کے مکمل ہونے پر انہوں نے خود کو سنبھالا لیکن انہیں اب بھی مکمل صحت یاب ہونے کے لیے تین سے چار ماہ درکار ہیں۔
واضح رہے کہ فلم ''فرنگی'' کا ٹریلر ریلیز کردیا گیا ہے، ٹریلر کو اب تک لاکھوں کی تعداد میں لوگ دیکھ چکے ہیں۔ فلم اگلے ماہ 24 نومبر کو ریلیز کی جائے گی۔
https://www.youtube.com/watch?v=C3GiqcWF5QE