ملکوال تھانے پر بیلف کا چھاپہ غیرقانونی حراست میں رکھے باپ اور ان کے 3 بیٹے بازیاب

پولیس اہلکار ان افراد کی رہائی کے بدلے 2 لاکھ روپے طلب کررہے تھے۔

---

ملکوال تھانے پر بیلف نے چھاپہ مارکر غیرقانونی حراست میں رکھے باپ اوران کے تینوں بیٹوں کو بازیاب کرا لیا.

سیشن کورٹ کے بیلف نے منڈی بہاؤالدین کی تحصیل ملکوال کے تھانے پر چھاپہ مارا اور حوالات میں غیرقانونی حراست میں رکھے ہوئے چک نمبر 20 کے راجہ امجد اوران کے 3 بیٹوں راجہ فیصل ،راجہ یاسر اور راجہ حسن کو رہائی دلائی، پولیس اہلکار ان افراد کی رہائی کے بدلے 2 لاکھ روپے طلب کررہے تھے جبکہ ایس ایچ او تھانہ ملکوال خالد گجر کے خلاف شہریوں سے پیسے لینے اور جھوٹے مقدمات درج کرنے کے بھی الزامات ہیں۔