محمد آصف نے فرسٹ کلاس کرکٹ میں 400 وکٹیں مکمل کرلیں

فوٹو: فائل

---

اسپاٹ فکسنگ میں سزا مکمل کرنے کے بعد میدانوں میں دوبارہ واپس آنے والے محمد آصف نے فرسٹ کلاس کرکٹ میں 400 وکٹیں مکمل کرلی ہیں۔

پیسر نے قائداعظم ٹرافی میں عمدہ کارکردگی کا مظاہرہ کیا، اہم سنگ میل عبور کرنے پر سماجی رابطوں کی ویب سائٹ پراپنے پیغام میں انھوں نے کہا کہ الحمد اللہ میں نے فرسٹ کلاس کرکٹ میں 400 وکٹیں پوری کرلی ہیں۔

آپ کی دعاؤں کے بغیر یہ بالکل بھی ممکن نہیں تھا،آپ سب کا بہت شکریہ، محمد آصف کے مداحوں نے مبارکبادیں دینے کے ساتھ انھیں پی ایس ایل اور دوبارہ قومی ٹیم کی جانب سے کھیلنے کا موقع دینے کا مطالبہ کیا۔