اصل کپتان عمران خان نہیں میں ہوں کیپٹن ر صفدر

یہ نواز شریف کے ساتھ نہیں بلکہ نظریہ پاکستان اور ریاست پاکستان کے ساتھ زیادتی ہوئی، کیپٹن (ر) صفدر

ویب ڈیسک October 26, 2017

یہ نوازشریف کو کتنی دفعہ باہر نکالیں گے، کیپٹن (ر) صفدر: فوٹو: فائل

نواز شریف کے داماد کیپٹن (ر) صفدرکا کہنا ہے کہ اصل کپتان میں ہوں عمران خان نہیں۔

احتساب عدالت میں پیشی سے پہلے میڈیا سے بات کرتے ہوئے کیپٹن صفدرنے کہا کہ نوازشریف کو اللہ نے 3 مرتبہ ملک کا وزیراعظم بنایا، نواز شریف کہتے ہیں کہ میرا جینا مرنا قائد اعظم کے پاکستان کے لیے ہے، یہ نوازشریف کو کتنی دفعہ باہر نکالیں گے، آج بھی 22 کروڑ عوام جانتی ہے کہ نواز شریف کے ساتھ زیادتی ہوئی، یہ نواز شریف کے ساتھ نہیں بلکہ نظریہ پاکستان اور ریاست پاکستان کے ساتھ زیادتی ہوئی۔

صحافی نے جب کیپٹن صفدرسے پوچھا کہ آپ اورمریم نوازعدالت ساتھ کیوں نہیں آتے توانہوں نے کہا کہ اس سوال کا جواب سیکیورٹی والوں سے پوچھیں، ویسے اگرآپ کہتے ہیں تو ہم دونوں یہاں بیٹھ جاتے ہیں۔ ایک سوال کے جواب میں انہوں نے کہا کہ اصل کپتان میں ہوں عمران خان نہیں۔