سہیل تنویر کے گھر ننھے مہمان کی آمد

الحمدللہ، اللہ تعالیٰ نے ہمیں آج ایک اور بیٹے سے نوازا ہے، سہیل تنویر۔ فوٹو : فائل

---

قومی آل راﺅنڈر سہیل تنویر کے گھر دوسرے بچے کی پیدائش ہوئی ہے اور ساتھی کرکٹرز نے انہیں ننھے مہمان کی آمد پر مبارکباد پیش کی ہے۔

سہیل تنویر نے سوشل میڈیا کی ویب سائٹ پر اس کی اطلاع دیتے ہوئے کہا "الحمدللہ، اللہ تعالیٰ نے ہمیں آج ایک اور بیٹے سے نوازا ہے"۔ کامران اکمل، بلاول بھٹی، افغان سپنر راشد خان اور دیگر نے انہیں مبارکباد دیتے ہوئے ننھے مہمان کی صحت اور درازی عمر کی دعا کی ہے۔

واضح رہے کہ سہیل تنویر اس وقت ہانگ کانگ سپر سکس میں قومی ٹیم کی قیادت کر رہے ہیں، ایونٹ میں پاکستان کے علاوہ آسٹریلیا، نیوزی لینڈ، سری لنکا، بنگلہ دیش اور جنوبی افریقہ کی ٹیمیں شرکت کر رہی ہیں۔28 اکتوبر کو ابتدائی میچز کھیلے جائیں گے جب کہ فائنلز 29 اکتوبر کو ہوں گے۔