نویں کی مارکس شیٹس آج سے جاری ہونگی میٹرک بورڈ

ریگولر اور پرائیویٹ کے طلبہ و طالبات 20نومبر 2017تک اپنے اسکروٹنی فارم جمع کرا سکتے ہیں۔ فوٹو : ایکسپریس

---

ثانوی تعلیمی بورڈ کراچی کے چیئرمین پروفیسر ڈاکٹر سعیدالدین نے جماعت نہم جنرل گروپ ریگولر کی مارکس شیٹس جاری کرنے کا اعلان کر دیا ہے۔

تمام الحاق شدہ تعلیمی اداروں کے سربراہان سے کہا گیا ہے کہ وہ آج سے اپنے اتھارٹی لیٹر کے ساتھ بورڈ آفس میں روم 7 بلاک Aپہلی منزل سے صبح ساڑھے 9بجے سے شام4بجے کے دوران مارکس شیٹس حاصل کر سکتے ہیں جبکہ پرائیویٹ طلبہ و طالبات کی مارکس شیٹس ان کے رہائشی پتوں پر ارسال کر دی گئی ہیں۔

شیڈول میں مزید کہا گیا ہے کہ جماعت نہم ریگولر اور پرائیویٹ کے طلبہ و طالبات 20نومبر 2017تک اپنے اسکروٹنی فارم جمع کرا سکتے ہیں۔