پاک فوج نے ایل او سی پر بھارتی جاسوس ڈرون مار گرایا

گرائے گئے بھارتی ڈرون کا ملبہ بھی قبضے میں لے لیا گیا، فوٹو؛ آئی ایس پی آر

---

پاک فوج نے لائن آف کنٹرول میں رکھ چکری سیکٹر پر بھارتی جاسوس ڈرون مار گرایا۔

پاک فوج کے شعبہ تعلقات عامہ (آئی ایس پی آر) کے مطابق فوج نے بھارت کا جاسوس ڈرون مار گرایا، بھارتی جاسوس ڈرون ایل او سی کے رکھ چکری سیکٹر پر گرایا گیا جب کہ گرائے گئے بھارتی ڈرون کا ملبہ بھی قبضے میں لے لیا گیا۔

Indian quadcopter spying across LOC in Rakhchikri sector shot down by Pak Army shooters. Wreckage held. pic.twitter.com/g9FG7EghPS

— DG ISPR (@OfficialDGISPR) October 27, 2017

دوسری جانب ترجمان دفتر خارجہ نے امریکا کی جانب سے بھارت کو مسلح ڈرونز فراہم کرنے کی مخالفت کرتے ہوئے کہا کہ مسلح ڈرونز کی بھارت کو فراہمی سے طاقت کے توازن میں بگاڑ پیدا ہوگا، عالمی طاقتوں کو بھارت کے معاہدوں اور کسی بھی ٹیکنالوجی کی فراہمی سے قبل بین الاقوامی ذمہ داریوں و معاہدوں کو مدنظر رکھنا چاہیے۔

واضح رہے گزشتہ سال نومبر میں بھی بھارتی ڈرون جاسوسی کے لیے پاکستانی حدود میں گھس آیا تھا تاہم پاک فوج نے ڈرون مار گرایا تھا۔