شرمین عبید چنائی کی بہن کو دوستی کا پیغام بھیجنے والا ڈاکٹر نوکری سے فارغ

خواتین کو ہراساں کرنا بند ہونا چاہئیے، شرمین عبید چنائے ۔ فوٹو : فائل

---

آسکر ایوارڈ یافتہ ڈائریکٹرشرمین عبید چنائے کی بہن کو فیس بک پر فرینڈ ریکوسٹ بھیجنے پر آغا خان یونیورسٹی اسپتال کے ڈاکٹر کونوکری سے فارغ کردیا گیا۔

https://twitter.com/sharmeenochinoy/status/922367253605175297

سماجی رابطے کی ویب سائٹ پر ٹوئٹ کرتے ہوئے آسکر ایوارڈ یافتہ ہدایت کار شرمین عبید چنائے نے کہا کہ ان کی بہن علاج کے لیے آغاخان اسپتال کی ایمرجنسی گئی جہاں ان کا معائنہ کرنے والے ڈاکٹر نے بعد میں فیس بک پر انہیں فرینڈ ریکوسٹ بھیجی، جو انتہائی غلط اقدام ہے۔

https://twitter.com/sharmeenochinoy/status/922367482119192576

 

ایک اور ٹوئٹ میں انہوں نے کہا کہ مجھے سمجھ نہیں آتا کہ ڈاکٹرز کیسے ایمرجنسی کے مریضوں کا ڈیٹا نکال کر انہیں سماجی رابطے کی ویب سائٹ پر تلاش کرتے ہیں۔

https://twitter.com/sharmeenochinoy/status/922368511195930624

شرمین عبید چنائی کا کہنا تھا کہ خواتین کو ہراساں کرنا بند ہونا چاہئیے اور میں اس ڈاکٹر کے خلاف ضرور رپورٹ کروں گی۔

ادھر آغاخان یونیورسٹی اسپتال کی انتظامیہ نے ڈاکٹر کی حرکت پر انہیں نوکری سے فارغ کر دیا جس کی تصدیق سوشل میڈیا پر مختلف لوگوں نے بھی کی۔

Doctor fired for sending friend request to influential Sharmeen Obaid's sister.Who'll make a documentary on this influence & abuse of power?

— Ibrar (@IbrarIbrahim) October 26, 2017

ابرار نے شرمین عبید کو تنقید کا نشانہ بناتے ہوئے کہا کہ بااثر شرمین کی بہن کو دوستی کا پیغام بھیجنے پر ڈاکٹر کو نوکری سے فارغ کردیا گیا۔ انہوں نے کہا کہ اس بااثر خاتون کی طاقت کے استعمال پر کون ڈاکیومنٹری بنائے گا۔

دوسری جانب شرمین عبید چنائی کی ٹوئٹ کے بعد سوشل میڈیا پر ایک نئی بحث چھڑگئی کہ آیا ایسی حرکت بھی ہراساں کرنے کے زمرے میں آتی ہے یا نہیں، سوشل میڈیا پر چند لوگ ڈاکٹرکی حرکت کو نامناسب جب کہ کچھ کا کہنا ہے فرینڈریکوسٹ بھیجنا ہراساں کرنے کےزمرے میں نہیں آتا۔