اسکولوں کے بچوں کو مرحلہ وار میٹرو بس میں سفر کرانے کا اہتمام

بچوں کوآزادی چوک سے خصوصی بس کے ذریعے مینار پاکستان، بادشاہی مسجد اور شاہی قلعہ کی سیر بھی کرائی گئی۔ فوٹو : فیس بک

---

وزیراعلیٰ پنجاب شہبازشریف کی ہدایت پر میٹروبس سروس کی افادیت کو اجاگر کرنے کےلئے صوبہ بھر کے اسکولوں کے بچوں کو مرحلہ وار گجومتہ سے شاہدرہ تک سفر کرانے کا اہتمام کیا گیا۔

اس سلسلے میں تقریباً ایک سو سے زائد پوزیشن ہولڈرز خصوصی بچوں کو گجومتہ سے آزادی چوک تک میٹروبس کے ذریعے سفر کرایا گیا، بچے اس یادگار سفر سے بےحد لطف اندوز ہوئے، اس موقع پر بچوں کا کہنا تھا کہ میٹروبس منصوبہ تاریخ میں سنہری حروف سے لکھا جائے گا، بچوں کوآزادی چوک سے خصوصی بس کے ذریعے مینار پاکستان، بادشاہی مسجد اور شاہی قلعہ کی سیر بھی کرائی گئی۔