بچوں سے بدسلوکی پر آسٹریلوی سوئمنگ کوچ گرفتار

وولکرز کو 5 بچوں کے ساتھ بُرے سلوک کے الزام میں گرفتار کیا گیا،پولیس۔ فوٹو: فائل

---

آسٹریلوی سوئمنگ کوچ اسکاٹ وولکرز کو بچوں کو جنسی طور پر ہراساں کرنے کے الزامات پر گرفتار کرلیا گیا۔

غیرملکی میڈیا کے مطابق آسٹریلوی سوئمنگ کوچ اسکاٹ وولکرز کو بچوں کو جنسی طور پر ہراساں کرنے کے الزام میں جمعے کو حراست میں لیا گیا۔ پولیس کا کہنا ہے کہ 59 سالہ وولکرز کو 5 بچوں کے ساتھ بُرے سلوک کے الزام میں گرفتار کیا گیا ہے اور انہیں آئندہ ماہ کوئنز لینڈ کی عدالت میں پیش کیا جائیگا۔

واضح رہے کہ اسکاٹ وولکرز ماضی میں بھی کئی اولمپک اور ورلڈ چیمپئنز کے کوچ رہے ہیں۔