ہم جبراور دباؤ کی سیاست نہیں کرتے فاروق ستار

ایم کیو ایم پاکستان کے سربراہ فاروق ستار کا کہنا ہے کہ مردم شماری میں کراچی کی آبادی کم ظاہرکی گئی جب کہ ہم جبراور دباؤ کی سیاست نہیں کرتے۔


کراچی میں میڈیا سے بات کرتے ہوئے ایم کیو ایم پاکستان کے سربراہ فاروق ستار کا کہنا تھا کہ این ٹی ایس کے ٹیسٹ کے سسٹم کو نہیں مانتے، داخلوں میں حیدرآباد اور سکھرکے طلبہ کے ساتھ زیادتیاں ہوئیں اور ہم احتجاج کرنےوالے طلبہ کے شانہ بشانہ کھڑے ہیں، سندھی بولنے والے بھی ہمارے بھائی ہیں۔

فاروق ستار نے کہا کہ ہم جبر و دباؤ کی سیاست نہیں کرتے اور حکومت سندھ کی تحقیقات کو بھی نہیں مانتے جب کہ مردم شماری میں کراچی کی آبادی کم ظاہرکی گئی ہے۔ ڈپٹی میئر کراچی ارشدوہرا کی پی ایس پی میں شمولیت کے حوالے سے فاروق ستار کا کہنا تھا کہ ارشد وہرا کے بارے کل بات کریں گے، آج ہم یہاں اپنے بچوں کے مستقبل کے لیے کھڑے ہیں اور ساتھ کھڑے تمام طلبہ ارشد وہرا ہیں۔