عائشہ گلالئی کے خلاف کرپشن کے ثبوت فراہم کرنے والا ٹھیکیدار قتل

نورزمان کو تھانہ تجوڑی کے علاقے تری خیل میں 2 نقاب پوش موٹرسائیکل سواروں نے نقب لگا کر نشانہ بنایا، پولیس ۔ فوٹو: فائل

---

BEIJING: تحریک انصاف کی منحرف رہنما عائشہ گلالئی کے خلاف کرپشن کے ثبوت دینے والے ٹھیکیدار کو نامعلوم افراد نے فائرنگ کرکے قتل کردیا۔

ایکسپریس نیوز کےمطابق پی ٹی آئی کی باغی رہنما عائشہ گلالئی کے خلاف کرپشن کے ثبوت دینے والا ٹھیکیدار نورزمان قتل ہوگیا ہے۔ پولیس کے مطابق ٹھیکیدار نورزمان کو تھانہ تجوڑی کے علاقے تری خیل میں 2 نقاب پوش موٹرسائیکل سواروں نے نقب لگا کر نشانہ بنایا، نورزمان موقع پر ہی جاں بحق ہوگیا جب کہ موٹرسائیکل سوار مسلح افراد فرار ہونے میں کامیاب ہوگئے۔

پولیس کے مطابق مقتول ٹھیکیدار نورزمان نے میڈیا کو عائشہ گلالئی کے خلاف ثبوت فراہم کئے تھے جب کہ اس نے نیب کو بھی درخواست دے رکھی تھی۔