پشاور میں گاڑی سے 45 ہزار کارتوس برآمد 2 ملزم گرفتار

ملزمان کے خلاف تھانہ ہشت نگری میں مقدمہ درج کرلیا گیا ہے۔ فوٹو: فائل

---

جی ٹی روڈ پر ناکہ بندی کے دوران پولیس نے ہزاروں کارتوس پنجاب لے جانے کی کوشش ناکام بناتے ہوئے دو ملزمان کو گرفتار کرلیا۔

ایکسپریس نیوز کے مطابق پشاور میں جی ٹی روڈ پر ناکہ بندی کے دوران پولیس نے ایک گاڑی کو روک کر تلاشی لی تو اس کے خفیہ خانوں سے مختلف بور کے 45 ہزار سے زائد کارتوس برآمد ہوئے۔

ملزمان اسلحے کو پنجاب لے جانے کی کوشش کررہے تھے۔ پولیس نے قانونی کارروائی کرتے ہوئے 2 ملزمان کو گرفتار کرلیا۔ تفتیش کے دوران پتہ چلا کہ ملزمان کارتوس باڑہ خیبر ایجنسی سے پنجاب اسمگل کر رہے تھے۔ ملزمان کے خلاف تھانہ ہشت نگری میں مقدمہ درج کرلیا گیا ہے۔