گول مال اگین 2017 کی سب سے کامیاب فلم بن گئی

فلم ’گول مال اگین‘ بھارت سمیت دنیا بھر سے 252 کروڑ کا بزنس کرنے میں کامیاب رہی۔ فوٹو: فائل

---

بالی ووڈ کے معروف ہدایت کار روہت شیٹھی کی فلم 'گول مال اگین' نے بزنس کے اعتبار سے رواں سال کی سب سے بڑی فلم ہونے کا اعزاز حاصل کرلیا۔

بالی ووڈ کی مشہور کامیڈی فلم سیریز 'گول مال' کے چوتھے سیکوئل نے پہلے ہی دن 30 کروڑ سے زائد اور جلد ہی 100 کروڑ کلب میں شامل ہوکر خوب داد سمیٹی جب کہ فلم کو پہلے ہی سپر ہٹ قرار دیا جارہا تھا مگر اب 'گول مال اگین' نے رواں سال کی کامیاب فلم 'جڑواں ٹو' کو بھی پیچھے چھوڑتے ہوئے 200 کروڑ کے کلب میں جگہ بنالی ہے۔

Congrats #GolmaalAgain Team for 250 Cr WW Gross!

India:

Nett - ₹ 167.52 cr

Gross - ₹ 214.42 cr

Overseas - ₹ 37.60 cr

Tot - ₹ 252.02 cr pic.twitter.com/81JPCMupI0

— Ramesh Bala (@rameshlaus) October 30, 2017

بھارتی تجزیہ نگار رمیش بالا نے سماجی رابطے کی ویب سائٹ پر ٹوئٹ کرتے ہوئے فلم کے مجموعی کمائی کی 250 کروڑ سے زائد ہونے کی نوید سنائی۔ 100 کروڑ سے کم بجٹ پر بننے والی فلم بھارت سمیت دنیا بھر سے 252 کروڑ کا بزنس کرنے میں کامیاب رہی،جب کہ فلم نے بھارت میں 214 کروڑ سے زائد کا بزنس کیا۔

اس خبر کو بھی پڑھیں؛ گول مال اگین؛ مداح کی اجے دیوگن پر مقدمہ کرنے کی دھمکی

دوسری جانب فلم کے ہدایت کار روہت شیٹھی نے فلم کی کامیابی پر مداحوں کا شکریہ ادا کرتے ہوئے کہا کہ ہم نے بہترین موضوع کے انتخاب کے لیے 7 سال انتظار کیا لیکن اس کا بہترین نتیجہ ملنے پر ہم بے حد خوش ہیں۔