انیل کپور اور مادھوری کی بڑے پردے پر واپسی

مادھوری کو فلم ’ٹوٹل دھمال‘ میں انیل کپور کے مدمقال کردار کی آفر کی گئی ہے۔ فوٹو: فائل

---

KARACHI: بالی ووڈ کی کامیاب فلم 'رام لکھن' سے شہرت کی بلندیوں کو چھونے والی انیل کپور اور مادھوری ڈکشت کی جوڑی ایک بار پھر بڑے پردے پر جلوہ گر ہونے کے لیے تیارہے۔

بالی ووڈ دھگ دھگ گرل مادھوری ڈکشت کا شمار 90 کی دہائی کی کامیاب ترین اداکاراؤں میں ہوتا تھا لیکن شادی کے بعد فلمی دنیا سے کنارہ کشی اختیار کرنے کے بعد انہیں اب تک کسی بڑے اداکار کے ساتھ کام کرنے کا موقع نہیں ملا تاہم اب ان کی واپسی انڈسٹری میں 38 سال کا سفر کامیابی کے ساتھ طے کرنے والے انیل کپور کے ساتھ ہورہی ہے۔

اس خبر کو بھی پڑھیں؛ مادھوری ڈکشت کی مراٹھی فلم انڈسٹری میں انٹری

بالی ووڈ کے سدا بہار اداکار انیل کپور اور ڈانسنگ کوئن مادھوی ڈکشت نے انڈسٹری کو رام لکھن، تیزاب، جمائی راجہ، پرندہ، پکار اور بیٹا جیسی کامیاب فلمیں دیں۔ میڈیا رپورٹس کے مطابق کامیڈی فلم 'دھمال' کے تیسرے سیکوئل میں ادکارہ کو انیل کپور کے مدمقابل کاسٹ کرنے کے لیے رابطہ کیا گیا ہے تاہم ان کی فلم میں شمولیت سے متعلق کوئی حتمی رپورٹ سامنے نہیں آئی۔

اس خبر کو بھی پڑھیں؛ بالی ووڈ میں 38 سال گزارنا آسان کام نہیں، انیل کپور

ادکار سنجے دت نے 'دھمال' کے دونوں سیکوئل میں اداکاری کے جوہر دکھائے تھے اور دونوں سیکوئل کو مداحوں نے بے حد سراہا، یہی وجہ ہے کہ ہدایت کار اندرا کمار نے تیسرے سیکوئل بنانے کا فیصلہ کیا مگر سنجو بابا نے فلم کرنے سے انکا رکردیا۔