بالی وڈ ڈسٹری بیوٹرز نے کترینہ کیف کی حالیہ باکس آفس مقبولیت کو دیکھتے ہوئے انھیں انڈسٹری کا چوتھا خان قرار دے دیا ہے۔ممبئی میں ایک بھارتی اخبار کو انٹرویو دیتے ہوئے کترینہ نے کہا کہ انھیں فلم نگری کی طرف سے چوتھا خان قرار دیا جانا اعزاز کی بات ہے۔

کترینہ کا کہنا تھا کہ وہ مزید محنت کے ساتھ کام کریں گی۔ انھوں نے کہا شاہ رخ خان، سلمان اور عامر خان کی صلاحیتوں کے بارے میں دو رائے نہیں ہو سکتیں۔ یہ تینوں سپر اسٹار دو عشروں سے کروڑوں لوگوں کے دلوں پر حکومت کر رہے ہیں۔ اداکارہ نے کہا کہ عامر بہت منظم انداز میں کام کرتے ہیں جب کہ شاہ رخ اور سلمان کا اپنا اسٹائل ہے۔