رام لیلامیں کرینہ کی جگہ پریانکا چوپڑا نے لے لی

فلم رومیو اینڈ جیولیٹ سے ماخوذ ہے، پریانکا کے مدِ مقابل رنویر سنگھ کردار ادا کرینگے۔ فوٹو فائل

---

KARACHI: حال ہی میں سنجے لیلا کی فلم رام لیلا سے پیسوں کے معاملے پر علیحدگی اختیار کرنے والی بالی ووڈ کی بیبوکرینہ کپور کی جگہ پریانکا چوپڑا نے لے لی۔تفصیلات کے مطابق کرینہ کے فلم کرنے سے انکار پر سنجے لیلا نے ان کی جگہ رام لیلا میں پریانکا چوپڑا کو بطور ہیروئن کاسٹ کرلیا ہے۔

فلم کے کاسٹیوم ڈیزائنرکی جانب سے افشاں کی جانے والی اس خبر کے مطابق اب وہ کرینہ کے بجائے پریانکا کے لیے کاسٹیومز ڈیزائن کررہے ہیں۔واضح رہے کہ سنجے لیلا کی یہ فلم شیکسپیئر کے ناول رومیو اینڈ جیولیٹ سے ماخوذ ہے جس میں پریانکا کے مدِ مقابل رنویر سنگھ مرکزی کردار ادا کرینگے جب کہ یہ فلم متوقع طور پر اگلے سال سینما گھروں کی زینت بنائی جائے گی۔