افغانستان کے صوبے پروان میں آئل ٹینکر میں دھماکا ہوا جس کے نتیجے میں 8 افراد ہلاک اور 25 زخمی ہو گئے۔

افغان میڈیا کے مطابق صوبہ پروان کے شہر چاریکر میں آئل ٹینکر پھٹنے سے 8 افراد ہلاک اور 25 زخمی ہوگئے جنہیں فوری طبی امداد کے لئے اسپتال منتقل کردیا گیا۔ پولیس کے مطابق آئل ٹینکر کے ساتھ دھماکا خیز مواد نصب کیا گیا تھا جس کے باعث دھماکے میں زیادہ ہلاکتیں ہوئیں جب کہ شدید زخمی ہونے والے 16 افراد کو طبی امداد کے لیے کابل بھیج دیا گیا۔