بھارت میں بجلی گھر میں دھماکے سے 25 افراد ہلاک 100 سے زائد زخمی

ریاستی حکومت نے واقعے میں ہلاک ہونے والوں کے لیے 2 لاکھ روپے فی کس امداد کا اعلان کیا ہے۔ فوٹو: فائل

---

بھارتی ریاست اتر پردیش میں بجلی گھر کا بوائلر پھٹنے سے 25 افراد ہلاک جب کہ 100 سے زائد زخمی ہوگئے۔
بھارتی میڈیا کے مطابق اتر پردیش کے ضلع رائے بریلی میں واقع تھرمل پلانٹ کے 500 میگا واٹ تھرمل یونٹ کا بوائلر اس وقت پھٹا جب وہاں کام کرنے والے افراد کی بڑی تعداد موجود تھی۔ واقعے میں 150 سے زائد افراد زخمی ہوئے جنہیں رائے بریلی اور لکھنو کے اسپتالوں میں منتقل کیا گیا۔

اس خبرکوبھی پڑھیں:تامل ناڈو کی فیکٹری میں دھماکا، 15 مزدور ہلاک



بھارتی حکام نے 25 افراد کی ہلاکت کے تصدیق کردی ہے جب کہ 100 سے زائد افراد اب بھی زیر علاج ہیں۔ حکام کا کہنا ہے کہ بوائلر کے ٹکڑے لگنےاور بھاپ سے لوگ بری طرح زخمی ہیں، جس کی وجہ سے ہلاکتوں میں مزید اضافے کا خدشہ ہے۔ ریاستی حکومت نے واقعے میں ہلاک ہونے والوں کے لیے 2 لاکھ روپے فی کس امداد کا اعلان کیا ہے۔

اس خبرکوبھی پڑھیں: بھارتی ریاست منی پورمیں دھماکا، 8افراداہلاک، 10 زخمی



ماہرین کا کہنا ہے کہ بوائلر پھٹنے کی وجہ اس کے والو میں پیدا ہونے والی خرابی ہوسکتی ہے تاہم یہ اپنی جگہ ایک سوال ہے کہ اس پیداواری یونٹ کو لگے ابھی صرف 3 ماہ ہی ہوئے تھے۔