فلم ’’پدماوتی‘‘ ایک بار پھر مشکلات کا شکار

فلم یکم دسمبر کو سینما گھروں کی زینت بنے گی ۔ فوٹو: فائل

---

بالی ووڈ کے معروف ہدایت کار سنجے لیلا بھنسالی کی فلم 'پدماوتی' کی ریلیز ایک بار پھر مشکلات کا شکار ہوگئی۔

بالی ووڈ کو'باجی راؤ مستانی'، 'رام لیلا'، 'دیوداس' جیسی کامیاب فلمیں دینے والے نامور ہدایت کار سنجے لیلا بھنسالی کی نئی فلم 'پدوماتی' آغاز سے ہی مشکلات کا شکار رہی، شوٹنگ کے دوران انتہا پسند ہندؤوں کی جانب سے توڑ پھوڑ اور سیٹ کو آگ لگائی گئی جب کہ کچھ دن قبل ایک بار پھر فلم پر حقائق کو مسخ کرکے پیش کرنے کا الزام عائد کیا گیا جس پر ہدایت کار نے فلم کے کچھ سین خود ہی کاٹ دیے مگر اس کے باوجود فلم کی ریلیز تاحال مسئلہ بنی ہوئی ہے۔

https://twitter.com/deepikapadukone/status/912123492979564544

بھارتی میڈیا رپورٹس کے مطابق بھارتیہ جنتا پارٹی نے فلم پر پابندی لگانے کا مطالبہ کرتے ہوئے کہا کہ فلم کی وجہ سے راجپوت کمیونٹی کے جذبات مجروح ہوئے ہیں لہذا گجرات اسمبلی کے انتخابات سے قبل کسی بھی ناخوشگوار واقعے سے بچنے کے لیے فلم کی ریلیز کو وقتی طور پر روکا جائے۔

https://twitter.com/deepikapadukone/status/915017791274496001

رپورٹس کے مطابق بی جے پی حکام نے اس حوالے سے الیکشن کمیشن کو خط بھی لکھا ہے جس میں کہا گیا کہ فلم کی ریلیز سے قبل راجپوت برادری کے نمائندوں کو یہ فلم دکھائی جائے۔

اس خبر کو بھی پڑھیں؛رنویر اور شاہد سے زیادہ معاوضہ لینے پر دپیکا کا ردعمل

واضح رہے فلم یکم دسمبر کو سینما گھروں کی زینت بنے گی جب کہ گجرات میں 9 سے 14 دسمبر تک انتخابات ہوں گے۔