بے نظیرانٹرنیشنل ایئرپورٹ پرکسٹم انٹیلی جنس نے کارروائی کرتے ہوئے سیکڑوں موبائل فونزاسمگل کرنے کی کوشش ناکام بنادی ۔

ایکسپریس نیوزکے مطابق راولپنڈی میں بے نظیرانٹرنیشنل ایئرپورٹ پر کسٹم انٹیلی جنس نے کارروائی کرتے ہوئے بھاری مالیت کے 700 موبائل فونزاسمگل کرنے کی کوشش ناکام بنادی، برآمد کیے گے موبائلز کی قیمت 2 کروڑ روپے سے زائد ہے۔

ائیرپورٹ پرکسٹم عملے نے پہلے سامان کلیئرقرار دیا، جس کے بعد جب ایک بار پھر چیکنگ کی گئی تو مسافروں سے موبائل بر آمد ہوئے جب کہ کارروائی کے دوران 2 خواتین اور ایک مرد کو گرفتارکرلیا گیا۔