سرکاری اسکیم کے تحت حج درخواستوں کی وصولی آج سے شروع ہوگئی

سرکاری اسکیم کے تحت حج درخواستوں کی وصولی آج سے شروع ہوگئی ،حج کےخواہش مند 85 ہزار 500 افرادکی درخواستیں وصول کی جائیں گی۔


وزارت مذہبی امورکی ہدایت پرملک بھر میں سرکاری حج اسکیم کے تحت درخواستیں وصول کی جارہی ہیں، عازمین انفرادی حیثیت کے علاوہ 10 سے 25 افراد پرمشتمل گروپ کی صورت میں بھی درخواست جمع کرواسکتے ہیں، شیڈول کے مطابق اس سال عازمین حج کی روانگی کا عمل 7 ستمبرسے شروع ہوگا اور 9 اکتوبرتک جاری رہےگا۔

حاجیوں کی واپسی 19 اکتوبرسے شروع ہوگی، وزارت حج کی جانب سے خواتین کو سرپردوپٹہ لےکر تصویر اتروانے کی ہدایت کی گئی ہے تاہم لاہورمیں دارالحج کی خستہ حال عمارت کو حج آپریشن کے لئے مشکوک قراردے دیا گیا ہے۔