افغانستان میں پاکستانی سفارتی اہلکار کو قتل کردیا گیا

پاکستان نے افغان ناظم الامور کو دفتر خارجہ طلب کرکے شدید احتجاج ریکارڈ کروایا، ترجمان دفتر خارجہ - فوٹو: دفتر خارجہ

---

افغانستان کے صوبے ننگر ہار کے شہر جلال آباد میں پاکستانی قونصل خانے کے اہلکار رانا نیئر اقبال کو قتل کر دیا گیا۔

ایکسپریس نیوز کے مطابق افغانستان میں تعینات پاکستانی سفارتی اہلکار رانا نیئر کو صوبہ ننگرہار کے شہر جلال آباد میں اُس وقت گولیاں مار کر قتل کیا گیا جب وہ نمازمغرب کی ادائیگی کے بعد واپس گھر جارہے تھے۔ رانا نیئر اقبال قونصل خانے میں ویزہ سیکشن میں کام کر تے تھے جب کہ ان کا تعلق سیالکوٹ سے ہے۔

Afghan charge d’affaires summoned by the foreign secretary to protest the gruesome murder of Pakistani diplomatic official in Jalalabad.

— Ministry of Foreign Affairs - Pakistan (@ForeignOfficePk) November 6, 2017

پاکستان نے افغان ناظم الامور کو دفتر خارجہ طلب کرکے سفارتی اہلکار کے قتل کی شدید مذمت کی اور احتجاج ریکارڈ کرایا۔

Pakistan condemns the killing of its diplomatic staff in Jalalabad, Afghanistan and demands increased security

— Ministry of Foreign Affairs - Pakistan (@ForeignOfficePk) November 6, 2017

ترجمان دفتر خارجہ نے افغانستان کی حکومت سے اپنے سفارتی اہلکاروں کی سیکیورٹی مزید بڑھانے کا بھی مطالبہ کیا۔

Shahadat of Nayyar Iqbal Rana,our diplomatic official in Jalalabad is extremely sad.Afghan govt must ensure Security of our diplomats..

— Khawaja M. Asif (@KhawajaMAsif) November 6, 2017

دوسری جانب وزیرخارجہ خواجہ آصف نے بھی ٹوئٹ کے ذریعے جلال آباد میں پاکستانی سفارتکار کی موت پر افسوس کا اظہار کرتے ہوئے افغان حکومت سے سفارتی عملے کی سیکیورٹی یقینی بنانے کا مطالبہ کیا۔