آرمی چیف کی ایران کی سیاسی اورعسکری قیادت سے ملاقات آئی ایس پی آر

دہشت گرد ہمارا مشترکہ دشمن ہے، جنرل قمر جاوید باجوہ - فوٹو: آئی ایس پی آر

---

لاہور: آرمی چیف جنرل قمر جاوید باجوہ نے ایران کی سیاسی و عسکری قیادت سے ملاقات کی جب کہ اس موقع پر ان کا کہنا تھا کہ پاک ایران بارڈر امن اور دوستی کا بارڈر ہے اور دہشت گردوں کی جانب سے پاک ایران بارڈرکو نقصان نہیں پہنچنے دیں گے جب کہ دہشت گرد ہمارا مشترکہ دشمن ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ ایک روزہ سرکاری دورے پر ایران پہنچے جہاں جنرل اسٹاف ہیڈ کوارٹرز آمد پر انہیں گارڈ آف آنردیا گیا، آرمی چیف نے یادگار شہدا پر پھولوں کی چادر بھی چڑھائی جب کہ ایرانی قیادت نے آرمی چیف کے دورے پر تشکر کا اظہار کیا۔

COAS visiting Iran.
Meets Iranian Mil and Civ leadership including Iranian CGS, Foreign Minister & the President.(1/3) pic.twitter.com/cC9g7klfWJ

— DG ISPR (@OfficialDGISPR) November 6, 2017

ترجمان پاک فوج کے مطابق آرمی چیف نے جی ایچ کیو میں ایران کے چیف آف جنرل اسٹاف سےملاقات کی اور بعد ازاں وزارت خارجہ میں وزیرخارجہ جواد ظریف اور ایوان صدر میں صدر حسن روحانی سے بھی ملاقات کی۔ ایران کی سول وعسکری قیادت سے ملاقاتوں میں افغان صورتحال، داعش کے بڑھتے خطرے سمیت پاک ایران بارڈرسیکیورٹی پر بات چیت کی گئی جب کہ آرمی چیف نے جیواسٹریٹجک ماحول، دفاع، سلامتی، اقتصادی تعاون پر بھی بات کی۔

Iranian leadership acknowledged Pakistan’s sacrifices, contributions & positive role towards peace(2/3) pic.twitter.com/uPempnXQ5Q

— DG ISPR (@OfficialDGISPR) November 6, 2017

ایرانی قیادت نےعلاقائی امن اور اس کے لیے پاکستان کے مثبت کردار کے ساتھ دہشت گردی کے خلاف جنگ میں پاکستان کی قربانیوں اور کامیابیوں کو سراہا۔

“Pak-Iran Bdr is bdr of peace & friendship. Its exploitation by terrorists, a common enemy can’t be allowed” COAS. (3/3) pic.twitter.com/kfh0jD87h7

— DG ISPR (@OfficialDGISPR) November 6, 2017

اس موقع پر پاک فوج کے سربراہ نے پاک ایران سرحد کی بہتر مینجمنٹ پر زور دیتے ہوئے کہا کہ پاک ایران بارڈرامن اور دوستی کا بارڈر ہے اور دہشت گردوں کی جانب سے پاک ایران بارڈرکو نقصان نہیں پہنچنے دیں گے جب کہ دہشت گرد ہمارا مشترکہ دشمن ہیں۔