ایم کیو ایم سے نہیں مہاجروں سے محبت ہے پرویز مشرف

ایم کیوایم کی وجہ سے مہاجروں کو مشکلات درپیش آئیں تاہم دونوں مہاجر جماعتوں کا اکٹھا ہونا خوش آئند ہے، سابق صدر

ویب ڈیسک November 08, 2017

ایم کیوایم کی وجہ سے مہاجروں کو مشکلات درپیش آئیں، سابق صدر،فوٹو:فائل

سابق صدر پرویز مشرف نے ایم کیوایم پاکستان اور پی ایس پی کے اتحاد کو خوش آئند قرار دیتے ہوئے مہاجروں سمیت تمام قومیتوں کو اکٹھا کرکے نئی قوت بنانے پر زور دیا ہے۔

ایم کیوایم پاکستان اور پاک سرزمین پارٹی کے اتحاد پر ایک ویڈیو پیغام میں ردعمل کا اظہارکرتے ہوئے سابق صدرپرویزمشرف نے کہا کہ مجھے ایم کیوایم کا کوئی سیاسی مستقبل نظر نہیں آتا، ایم کیو ایم نے خود کو ملک بھر میں بدنام کرلیا ہے اور ایم کیوایم کی وجہ سے مہاجر برادری کو مشکلات درپیش آئیں تاہم دونوں مہاجر جماعتوں کا اکٹھا ہونا خوش آئند ہے اور مہاجروں کے اتحاد کی اشد ضرورت ہے۔

یہ خبر بھی پڑھیں: ایم کیو ایم اور پی ایس پی کا سیاسی اتحاد بنانے کا اعلان

پرویز مشرف نے کہا کہ میری سوچ قومیت نہیں پاکستانیت ہےمہاجروں کا ایک ہونا اچھی بات ہے لیکن ایک قدم آگے بڑھ کرتمام قومیتوں کو یکجا کرکے ایک نئی قوت تیار کرنی چاہیے۔انہوں نے کہا کہ دیہی علاقوں سے سیاسی قوتوں کو اکٹھا کرکے سندھ میں پیپلزپارٹی کو شکست دے سکتے ہیں۔

https://twitter.com/APMLOfficial_/status/928273801065857024