کراچیمختلف علاقوں میں فائرنگ کے واقعات 5 افراد ہلاک

ناتھاخان میں جھاڑیوں سے2لاشیں ملیں،کورنگی میں ایک شخص،ڈاکس میں منشیات فروش قتل فوٹو: فائل

---

شہرکے مختلف علاقوں میں فائرنگ کے واقعات کے دوران5افرادہلاک اور6زخمی ہو گئے۔

تفصیلات کے مطابق شاہ فیصل کالونی میں ناتھاخان گوٹھ سے 2افراد کی لاشیں ملیں جنھیں نامعلوم ملزمان نے اغواکے بعدبدترین تشددکانشانہ بنایاا ور فائرنگ کرکے ہلاک کردیا،ملزمان لاشیں ناتھاخان گوٹھ میں جھاڑیوں میں پھینک کر فرار ہوگئے۔مقتولین کی عمریں تقریباً 35 برس معلوم ہوتی ہیں جن کی شناخت نہیں ہوسکی۔ڈاکس مچھرکالونی میں جدون چوک پرنامعلوم افرادنے گھرمیں گھس کرفائرنگ کردی جس کے نتیجے میں 50 سالہ عبدالشکور ہلاک ہوگیا۔

مقتول منشیات فروش ہے اور کئی مرتبہ گرفتارہوچکاہے، اسے مخالف منشیات فروش گروپ نے قتل کیا،پولیس ملزمان کی تلاش میںمختلف مقامات پر چھاپے مار رہی ہے اورایک ملزم کو گرفتار کرکے اسلحہ برآمد کرلیاجس پر شبہ ہے کہ وہ قتل میں ملوث ہے۔کورنگی صنعتی ایریاگلزار کالونی میں گھرکے اندرفائرنگ وحید الرحمن ہلاک ہوگیا،پولیس کے مطابق مقتول کواس کے چھوٹے بھائی شاہ زیب نے گھریلوجھگڑے کے دوران فائرنگ کرکے ہلاک کیااوراسلحے سمیت فرارہوگیا۔



گلستان جوہرکے علاقے پرفیوم چوک کے قریب نامعلوم افرادکی فائرنگ سے48سالہ سیف احمد،میانوالی کالونی میں25سالہ شاہداقبال،کھارادر جیلانی سینٹرکے قریب30سالہ غلام رسول بلوچ،بفرزون میں ارم شاپنگ سینٹرکے قریب محمداظہار،بلوچ کالونی میں ڈکیتی کے دوران مزاحمت پر28سالہ رضوان اور50 سالہ محمداسلم ہوگئے۔ ڈسکوبیکری کے قریب نامعلوم افرادنے ہوائی فائرنگ کردی جس سے بھگدڑمچ گئی اوردکانیں وکاروباری مراکزبندہوگئے،واقعے کے وقت جلوس جنازہ گزررہاتھاجس کے گزرجانے کے کچھ دیربعدموٹرسائیکل سواروں نے فائرنگ کی اوراس دوران ایک بیکری کے سیکیورٹی گارڈسے اس کااسلحہ بھی چھین کرفرارہوگئے۔

کھارادر کے علاقے صرافہ بازار کے قریب سے 25 سالہ نامعلوم شخص کی لاش ملی جس کی اطلاع پر اے ایس آئی ریاض نے موقع پر پہنچ کر لاش اپنے قبضے میں لے کر ضابطے کی کارروائی کے لیے سول اسپتال پہنچائی۔ رات گئے ملنے والی اطلاعات کے مطابق یٹروول روڈ سیکٹر 4-Fاورنگی ٹاؤن میں موٹر سائیکل سوار ملزمان بال بم پھینک کر فرارہوگئے جو زور دار دھماکے سے پھٹ گیا تاہم خوش قسمتی سے کوئی جانی نقصان نہیں ہوا ، جس مقام پر بال بم پھینکا گیااس سے کچھ فاصلے پر رینجرز کے اہلکار پکٹ لگاکراسنیپ چیکنگ کرتے ہیں ، بال بم پھٹنے سے 2 افراد معمولی زخمی ہوئے۔