کوئٹہ اے این پی مغوی رکن اسمبلی سلطان ترین کو بازیاب نہیں کرایا جاسکا
تفتیشی ٹیم نے کوئٹہ میں ایک مکان سے ملک سلطان ترین کا لیپ ٹاپ اور گن مین کی کلاشنکوف برآمد کرلی ہے۔
اغوا کاروں نے سلطان ترین کی رہائی کے بدلے50 کروڑ روپے تاوان کا مطالبہ کیا ہے، حاجی عدیل۔ فوٹو: ایکسپریس نیوز۔
بلوچستان کے سابق صوبائی وزیراور اے این پی کے رکن صوبائی اسمبلی ملک سلطان ترین کو تاحال بازیاب نہیں کرایا جاسکا ہے۔
ایکسپریس نیوز کے مطابق ملک سلطان ترین کی بازیابی کےلئے بنائی گئی تفتیشی ٹیم نے کوئٹہ میں ایک مکان سے ان کا لیپ ٹاپ اور گن مین کی کلاشنکوف برآمد کرلی ہے دوسری جانب ان کے گن مین سے بھی تفتیش جاری ہے۔
واضح رہے کہ سلطان ترین کو پیر کی رات کوئٹہ سے ہرنائی جاتے ہوئے اغواء کرلیا گیا تھا جس کا مقدمہ پشین کے لیویز تھانے میں درج کیا گیا ہے، گزشتہ روز عوامی نیشنل پارٹی کےسینیٹر حاجی عدیل کا کہنا تھا کہ اغوا کاروں نے سلطان ترین کی رہائی کے لئے50 کروڑ روپے تاوان کا مطالبہ کیا ہے۔