عمران خان کی عینک سے صرف ستیاناس اور بیڑہ غرق دکھائی دیتا ہے احسن اقبال

پاکستان بہتر ہو رہا ہے جس کا عمران خان کو دکھ کھائے جا رہا ہے، احسن اقبال۔ فوٹو: فائل

---

وزیر داخلہ احسن اقبال کا کہنا ہے کہ عمران خان کی عینک سے صرف ستیاناس اور بیڑہ غرق دکھائی دیتا ہے تاہم پاکستان بہتر ہو رہا ہے جس کا عمران خان کو دکھ کھائے جا رہا ہے۔

وزیر داخلہ احسن اقبال کا کہنا تھا کہ عمران خان کی عینک سے صرف ستیاناس اور بیڑہ غرق دکھائی دیتا ہے، ورلڈ بنک نے پاکستان کی شرح ترقی 10 سال میں سب سے زیادہ قرار دی ہے، غیر پاکستان کو ابھرتی معیشت جب کہ عمران خان ڈوبتی معیشت قرار دے رہے ہیں۔ان کا کہنا تھا کہ پاکستان بہتر ہو رہا ہے جس کا عمران خان کو دکھ کھائے جا رہا ہے جب کہ دہشت گردی کے خلاف جنگ جیتنے کے لیے ہمیں یکجہتی اور یگانگت کی ضرورت ہے۔

اس خبر کو بھی پڑھیں : جمہوریت بچانے کیلئے قبل ازوقت انتخابات کرانے ہوں گے، عمران خان

احسن اقبال کا کہنا تھا کہ قبل از وقت انتخابات کا مطلب کے پی کے کو قومی اسمبلی کی 5 اور بلوچستان کو 3 نشستوں سے محروم کرنا ہے، الیکشن نئی مردم شماری پر مقررہ وقت پر ہی ہو سکتے ہیں۔