آئی جی سندھ اور ڈی آئی جی ایسٹ نے اپنے عہدوں کا چارج چھوڑ دیا

DERA GHAZI KHAN:
آئی جی سندھ فیاض لغاری اور ڈی آئی جی ایسٹ علیم جعفری نے اپنے عہدوں کا چارچ چھوڑ دیا ہے۔


سانحہ عباس ٹاؤن ازخود نوٹس کیس کی سماعت کے دوران چیف جسٹس افتخارمحمد چوہدری نے پولیس اور رینجرزکو اس سانحہ کاذمہ دار قرار دیا اورایس ایس پی ملیر راؤ انوار کو معطل کرنے کا بھی حکم جاری کیا، اس موقع پر حکومت سندھ کے وکیل منصوراحمد خان نے سپریم کورٹ کو بتایا کہ حکومت نے آئی جی سندھ اور ڈی آئی جی ایسٹ کی خدمات وفاق کو واپس کرنے کا فیصلہ کیا ہے۔

دوسری جانب ایڈیشنل آئی جی رفیق حسن کو آئی جی سندھ مقرر کئے جانے کا امکان ہےجبکہ عباس ٹاؤن واقعے میں غفلت برتنے پر دیگر افسران کو بھی معطل کرنے پر غور کیا جارہا ہے،ترجمان پولیس کا کہنا ہے کہ آئی جی سندھ فیاض لغاری نے چارج نہیں چھوڑا اور سندھ پولیس آئی جی کی سربراہی میں ہی کام کررہی ہے۔