حیدرآباد میں خاتون نے بچے کو رکشے میں جنم دے دیا

قاسم چوک کے قریب چہلم کےجلوس کے سلسلے میں متبادل روٹ نہ ہونے کی وجہ سے خاتون کوسول اسپتال جانے کا راستہ نہ ملا : فوٹو : فائل

---

قاسم چوک کے قریب خاتون نے راستہ نہ ملنے کی وجہ سے رکشے میں ہی بچے کو جنم دے دیا۔

ایکسپریس نیوز کے مطابق حیدرآباد میں خاتون نے سول اسپتال جاتے ہوئے راستہ نہ ملنے پر رکشے میں بچے کو جنم دے دیا۔ قاسم چوک کے قریب چہلم کے جلوس کے سلسلے میں راستے بند ہونے اور متبادل روٹ نہ ہونے کی وجہ سے خاتون کو سول اسپتال جانے کا راستہ نہ ملا جس کے باعث رکشے میں ہی بچے کی پیدائش ہوگئی۔

واضح رہے کہ 25 اکتوبر کو بھی ایک خاتون نے حیدرآباد حالی روڈ کے قریب اسپتال میں سہولیات کی عدم فراہمی پر رکشے میں بچے کو جنم دیا تھا۔