پریکٹس میچ پاکستانی بولرز میزبان الیون کو ڈرانے میں ناکام

پاکستانی بولر پریکٹس میچ میں میزبان الیون کو ڈرانے میں ناکام رہے۔

انوی ٹیشن الیون نے 8 وکٹوں پر 266 رنز بنائے، کونٹین ڈی کوک نے 65 رنز اسکور کیے، عبدالرحمان اور شعیب ملک نے دودو وکٹیں حاصل کیں۔ اس سے قبل جنوبی افریقی انوی ٹیشن الیون نے 8 وکٹوں پر 266 رنز بنائے، میزبان الیون کی پہلی وکٹ 55 کے مجموعے پر گری جب کپتان اسٹیفن کک 34 رنز پر عمرگل کی گیند پر وکٹ کیپر کامران کا کیچ بن گئے، کونٹین ڈی کوک نے عبدالرحمان کی وکٹ بننے سے قبل 65 رنز بنائے، جس میں ایک چھکا اور 6 چوکے شامل تھے۔




ان کا کیچ شعیب ملک نے تھاما، کوڈی چھیٹی نے 4 رنز بناکر اپنی وکٹ شاہد آفریدی کو دے دی، وان جارسویلڈ کو 24 کے انفرادی اسکور پر عبدالرحمان نے قابو کیا، ان کا کیچ یونس خان نے تھاما، کرس مورس 19 رنز پر شعیب ملک کی گیند پر عبدالرحمان کا کیچ بنے، ٹیما باؤما 43 رن آؤٹ ہے، عمران طاہر کو جنید خان نے کھاتہ تک نہیں کھولنے دیا، ولیجوئن 25 رنز پر ناٹ آؤٹ رہے۔ عبدالرحمان اور شعیب ملک نے دودو وکٹیں لیں۔