کراچی دو رینجرز اہلکاروں سمیت 8 افراد ہلاک

سچل تھانے کی حدود بھٹائی آباد میں گھر کے باہر کھڑے پولیس اہلکار محرم چانڈیو کو فائرنگ کرکے قتل کر دیا گیا فوٹو: فائل

---

سپریم کورٹ کی رینجرز اور پولیس پر برہمی کے باوجود آج بھی دو رینجرز اہلکاروں سمیت 8 افراد ہلاک ہوگئے ۔

ایکسپریس نیوز کے مطابق انٹیلی جنس ڈیوٹی پر تعینات دو رینجرز اہلکاروں کی تشدد زدہ لاشیں آج صبح میوہ شاہ کے قریب سے ملیں جبکہ رینجرز حکام کے مطابق اہلکاروں کو گذشتہ رات اغواء کیا گیا تھا۔

دوسری طرف سچل تھانے کی حدود بھٹائی آباد میں گھر کے باہر کھڑے پولیس اہلکار محرم چانڈیو کو فائرنگ کرکے قتل کر دیا گیا جبکہ منگھو پیر کے علاقے خیرآباد سے 2 افراد کی لاشیں ملی ہیں ، پولیس کے مطابق دونوں کو بلوچستان کے علاقے پنگھور اور ناران سے اغوا کیا گیا تھا مقتولین کی افتخار احمد اور مقبول احمد کے نام سے شناخت ہوئی ہے ، ریکسرلین اور بلدیہ ٹاون میں بھی دو افراد کو موت کی نیند سلا دیا گیا ۔