آسٹریلیا پر ڈرون سے جاسوسی کا الزام

ہونڈراس نے فٹبال ورلڈ کپ پلے آف سیکنڈ لیگ سے قبل آسٹریلیا پر الزام لگایا ہے کہ اس نے ٹریننگ سیشن میں جاسوسی کیلیے ' ڈرون ' اڑایا۔


کوچ جورج لوئس پنٹو نے کہا کہ یہ شرمناک بات ہے، ہم نے اپنے آفیشل ٹریننگ وینیوکے قریب ڈرون کو اڑتے ہوئے دیکھا جب کہ آسٹریلوی حکام کا کہنا ہے کہ یہ ڈرون بچوں نے کھیلتے ہوئے اڑایا تھا، پنٹو نے یہ بھی دعویٰ کیاکہ مہمان ٹیم نے ہماری 'جاسوسی' کیلیے خفیہ کیمرے بھی نصب کیے ہیں۔

واضح رہے کہ ہونڈراس میں منعقدہ فرسٹ لیگ بغیر کسی گول کے برابر رہا تھا جب کہ بدھ کو سیکنڈ لیگ کی فاتح ٹیم ورلڈ کپ میں رسائی پالے گی۔