حسن علی کی ویرات کوہلی کو آؤٹ کرنے کی خواہش

قومی کرکٹ ٹیم کے فاسٹ بولر حسن علی نے کہا ہے کہ ویرات کوہلی کو آؤٹ کرنے کی خواہش ہے جب کہ بطور آل راؤنڈر کار کردگی دکھانا چاہتا ہوں۔

لاہور کے مقامی ہوٹل میں ٹی 10 کرکٹ لیگ کی فرنچائز پنجابی لیجنڈز کی کٹ کی تقریب رونمائی میں گفتگو کرتے ہوئے حسن علی نے کہا کہ فٹ رہنے کے لیے مسلسل ایکشن میں رہنا ضروری ہے، میرا خیال ہے کہ کھیلتے رہیں تو فٹنس زیادہ بہتر ہوتی ہے، ویرات کوہلی کو آؤٹ کرنے کی خواہش ہے، یقین ہے کہ ایسا موقع ضرور ملے گا۔


اس خبر کو بھی پڑھیں :کپتان سرفراز احمد کی ڈانٹ اچھی لگتی ہے

حسن علی نے کہا کہ میں سمجھتا ہوں کہ بطور آل راؤنڈر ٹیم میں جگہ ملی ہے، بولنگ کے ساتھ بیٹنگ میں بھی صلاحیتوں کے جوہر دکھانا چاہتا ہوں، انہوں نے کہا کہ جشن منانے کا انداز اپنانے کے لئے بھی خاص تیاری کی ہے۔