ن لیگ کی مقبولیت سے حکمران حواس باختہ ہوگئے نعمان امین

مسلم لیگ ن یوتھ ونگ کے ضلعی صدر نعمان امین نے کہا ہے کہ مختلف جماعتوں کے ارکان قومی و صوبائی اسمبلی اور ملک بھر کی اہم شخصیات کی ن لیگ میں شمولیت سے حکمران حواس باختہ ہوگئے ہیں۔

ان خیالات کا اظہار انھوں نے کنری کے محلہ منشی گوٹھ کے وارڈ نمبر 316 میں منعقدہ تقریب سے خطاب کرتے ہوئے کیا۔ تقریب میں یوتھ ونگ کے ڈویژنل جنرل سیکریٹری رضوان سنی، تعلقہ صدر محسن مجید سمیت دیگر عہدیداران نے شرکت کی۔




اس موقع پر عمر فاروق، طاہر محمود، ثنااللہ، محمد عمیر، محمد نعمان، عامر علی سمیت بڑی تعداد میں نوجوانوں نے مسلم لیگ ن یوتھ ونگ میں شمولیت کا اعلان کرتے ہوئے میاں نواز شریف اور راجا خلیق انصاری کی قیادت پر اپنے مکمل اعتماد کا اظہار کیا۔ نعمان امین نے مزید کہا کہ قوم کا مستقبل تاریک کرنے والے جلد اپنے انجام کو پہنچیں گے، محروم طبقہ ووٹ کے ذریعے چوروں اور لٹیروں کی سیاست کو ہمیشہ کے لیے دفن کردے گا۔