تربت کے علاقے بلیدہ میں سیکورٹی فورسز کے ساتھ فائرنگ کے تبادلے میں کالعدم تنظیم کا کمانڈر ہلاک ہوگیا۔

ایکسپریس نیوز کے مطابق تربت کے علاقے بلیدہ میں نامعلوم افراد نے سیکیورٹی فورسز کے قافلے پر فائرنگ کردی جس کے نتیجے میں فورسز کی جانب سے جوابی کارروائی کی گئی۔

فورسز کی جوابی فائرنگ میں کالعدم تنظیم کا کمانڈر ہلاک ہوگیا جب کہ کارروائی میں بڑی مقدار میں اسلحہ وگولہ بارود قبضے میں لے لیا گیا۔